Mugetan gaindi
Sinopsia
Aro Modernoan egungo estatuak (Frantzia, Espainia) finkatzen hasi ziren: administrazioa, hezkuntza, hizkuntza-politikak… XVI. eta XVIII. mendeen artean egungo mugak erabaki zituzten, eta euskaldunak bi erresumatan bereizi ziren. Ezarritako legeen ondorioz, hizkuntza-komunitatea galtze eta gutxiagotze prozesuan abiatu zen.
Hala ere, hizkuntzak mugak ere hautsi zituen: arrantzaleen eskutik Ternuara eta Islandiara iritsi zen eta han pidginak sortu; eta euskara testu idatzietan agertu zen lehen aldiz (Etxepare, Leizarraga, Axular…), erlijio testuetan batez ere.
Hizlariak eta adituak
-
Joseba AgirreazkuenagaEHUko Historia katedraduna -
Beñat OihartzabalEuskaltzaina, IKER-CNRS -
Miren Egaña GoyaBatxillergo Institutuko Euskara katedradun ohia -
Peter BakkerAarhus Unibertsitateko ikertzailea, Danimarka
Musika: Khantoria (Ander Berrojalbiz, Maider Lopez, Virginia Gonzalo, Jose Menendez, Kerstin Ansorge).
Unitate didaktikoak
Atal honetako lan-fitxak, euskara irakasteko HABE mailetan (B2 eta C1), irakaslearentzat eta ikaslearentzat; baita transkripzio osoa ere. Doan deskarga ditzakezu.